!! ప్రేమమ్ !!

కనుపాపల్ని అటూఇటూ కదిలిస్తూ

కోటిదీపాల కాంతితో
గుండెలోకి సూటిగా నువు విసిరే చూపుకాక
ప్రేమంటే మరేమిటి?

ఎదలో ఓ పూదోటను వికసింపజేసి
ఆ పరిమళాన్నంతా
ఆత్మచుట్టూ పరిచే నీ చిరునవ్వు కాక
ప్రేమంటే మరేమిటి?

చలికాలం కలలూరేపూట
చెంపలకిందకు చేతులుచేర్చి
నుదురును ముద్దాడే నీ పెదాలస్పర్శ కాక
ప్రేమంటే మరేమిటి?

చూపులు జతకలిసి, చిర్నవ్వులు శృతికలిపి, వెచ్చని స్పర్శల తాళంలో నువ్వూనేనూ సంగీతమైనప్పటి క్షణాలుకాక
ప్రేమంటే మరింకేమిటి?

(to 'Malar', who expressed her love through eyes, smile and a warm touch.. in 'Premam' )