Sunday, December 11, 2016

!! 31 - రాత్రి !!

రేగినధూళి అంతా
సద్దుమణిగిపోతోంది
బిగ్గరగా వినిపించిన అరుణగానం
కిరణాలు కుచించుకుపోయి
మంద్రస్థాయిలో మూల్గుతోంది
స్వేచ్ఛను నర్తించిన పక్షులన్నీ
గూళ్లలో వెచ్చగా ఒదుగుతున్నాయి
నేనైతే
అంధకారాన్ని ప్రేమించలేను
చిందిన ఆకుపచ్చని నెత్తుటితోనే
దీపాన్ని వెలిగించుకుంటాను
ఒక్క చీకటిరాత్రినైనా వెలివేసి
వెలుగులకు ఎదురేగుతాను
నవీన్ కుమార్!! 31.10.16

No comments: